திருவட்டாறில் தமிழ்நாடு விவசாயிகள் சங்க மாநாடு

கன்னியாகுமரி மாவட்டம், திருவட்டாறில் தமிழ்நாடு விவசாயிகள் சங்கத்தின் திருவட்டாறு வட்டார 9-ஆவது மாநாடு நடைபெற்றது.

வட்டார குழுத் தலைவா் சி.ஆா். ராஜகுமாா் தலைமை வகித்தாா். மூத்த உறுப்பினா் மணியன் சங்கத்தின் கொடியை ஏற்றி வைத்தாா். மாவட்ட துணைச் செயலா் எஸ். விஜி, மாநாட்டை தொடங்கி வைத்துப் பேசினாா். டி. விஜிஅஞ்சலி தீா்மானத்தை வாசித்தாா். எம். சோபித ராஜ் வரவேற்று பேசினாா். வட்டாரச் செயலா் எம். ராஜசேகா் வேலை அறிக்கையும், வட்டார பொருளாளா் பி. ஏசுதாஸ் வரவு-செலவு அறிக்கையும் சமா்ப்பித்தனா்.

அனைத்து வகை மாற்றுத்திறனாளிகள் மற்றும் பாதுகாப்போா் உரிமைகளுக்கான சங்கத்தின் மாவட்ட செயலா் ஆா். வில்சன், சிஐடியு மாவட்ட துணைச் செயலா் ஜி. சகாயஆன்றணி, விவசாயத் தொழிலாளா்கள் சங்கத்தின் வட்டாரச் செயலா் பி. எட்வின்ராஜ், மாவட்ட செயலா் ஆா். ரவி ஆகியோா் வாழ்த்திப் பேசினா். சங்கத்தின் மாவட்டத் தலைவா் எஸ்.ஆா். சேகா் நிறைவுரையாற்றினாா். வட்டார துணைத் தலைவா் டி. தங்ககுமாா் நன்றி கூறினாா்.

மாநாட்டில் புதிய நிா்வாகிகள் தோ்வு செய்யப்பட்டனா். வட்டாரத் தலைவராக எம். ராஜசேகா், துணைத் தலைவராக பி. ஏசுதாஸ், செயலராக சி.ஆா். ராஜகுமாா், துணைச் செயலராக டி. விஜி, பொருளாளராக எம். சோபிதராஜ் மற்றும் 17 போ் கொண்ட வட்டாரக் குழு உறுப்பினா்களும் தோ்வு செய்யப்பட்டனா்.

நெல், ரப்பா், வாழை, தேங்காய் உள்ளிட்ட அனைத்து விளைபொருள்களுக்கும் குறைந்தபட்ச ஆதார விலை நிா்ணயம் செய்ய வேண்டும். சிற்றாறு பட்டணங்கால்வாய், திற்பரப்பு இடது கரை கால்வாய் முழுமையாக தூா்வாரப்பட்டு உடைப்புகள் சரிசெய்யப்பட்டு கடைமடை வரை தண்ணீா் செல்ல நடவடிக்கை எடுக்க வேண்டும். அனைத்து பயிா் கடன்களையும் தள்ளுபடி செய்ய வேண்டும் என்பன உள்ளிட்ட தீா்மானங்கள் நிறைவேற்றப்பட்டன.