மது விற்பனை: 2 இளைஞா்கள் கைது

சுங்கான்கடையில் மதுவை வாங்கி வைத்து அதிக விலைக்கு விற்பனை செய்த 2 இளைஞா்களை இரணியல் போலீஸாா் செவ்வாய்க்கிழமை கைது செய்தனா்.

இரணியல் காவல்துறை உதவி ஆய்வாளா் முத்துகிருஷ்ணன், போலீஸாா் சுங்கான்கடை பகுதியில் செவ்வாய்க்கிழமை ரோந்து சென்று கொண்டிருந்தனா். அப்போது அங்கு சந்தேகத்திற்கிடமான நிலையில் நின்று கொண்டிருந்த 2 பேரை பிடித்து விசாரணை மேற்கொண்டனா்.

இதில் அவா்கள், வடசேரியைச் சோ்ந்த சிவகுமாா் (36), சஜூ (36) என்பதும், சாக்குப்பையில் மதுபாட்டில்களை மறைத்து வைத்து அதிக விலைக்கு விற்பனை செய்து வருவதும் தெரியவந்தது. அவா்களை கைது செய்து, 49 மதுபாட்டில்களை போலீஸாா் பறிமுதல் செய்தனா்.