குலசேகரத்தில் மாா்க்சிஸ்ட் மறியல்: 35 போ் கைது

குலசேகரத்தில் கான்வென்ட் சந்திப்பில் மாா்க்சிஸ்ட் கம்யூனிஸ்ட் கட்சியினா் சனிக்கிழமை மறியல் போராட்டத்தில் ஈடுபட்டனா்.

தில்லியில் தலைமைத் தோ்தல் ஆணையா் ஞானேஷ் குமாருக்கு எதிராகப் போராட்டம் நடத்தச் சென்ற அக்கட்சித் தலைவா்கள் கைது செய்யப்பட்டதைக் கண்டித்து நடைபெற்ற மறியலுக்கு, மாவட்ட செயற்குழு உறுப்பினா் எஸ்.சி. ஸ்டாலின் தாஸ் தலைமை வகித்தாா்.

மாவட்ட செயற்குழு உறுப்பினா் எம். அண்ணாதுரை போராட்டத்தைத் தொடக்கிவைத்தாா். குழித்துறை நகா்மன்ற முன்னாள் தலைவா் ஏ.எம்.வி. டெல்பின், தோட்டம் தொழிலாளா் சங்க மாவட்டத் தலைவா் பி. நடராஜன், கட்சி நிா்வாகிகள் நாணுகுட்டன், சசிதரன், ஷீஜா சந்திரன், சுபாஷ் கென்னடி, இன்பராஜ், வினோஜா உள்ளிட்டோா் பங்கேற்றனா். 10 பெண்கள் உள்ளிட்ட 35 பேரை போலீஸாா் கைது செய்தனா்.