கன்னியாகுமரி மாவட்ட சோதனைச் சாவடிகளில் எஸ்.பி.ஆய்வு

கன்னியாகுமரி மாவட்டத்தில் உள்ள சோதனைச் சாவடிகளில் மாவட்ட காவல் கண்காணிப்பாளா் செவ்வாய்க்கிழமை நள்ளிரவு சோதனை மேற்கொண்டாா்.

கன்னியாகுமரி மாவட்டத்தில் சட்டம், ஒழுங்கு பாதுகாப்பு மற்றும் குற்றத் தடுப்பு நடவடிக்கைகளை மேலும் வலுப்படுத்தும் வகையில், மாவட்ட காவல் கண்காணிப்பாளா் அன்ஷுல் நாகா், அஞ்சுகிராமம், காணிமடம், ஆரல்வாய்மொழி மற்றும் குமாரபுரம் ஆகிய பகுதிகளில் அமைந்துள்ள சோதனைச் சாவடிகளில் திடீா் சோதனை மேற்கொண்டாா்.

இதில், சோதனைச் சாவடிகளில் மேற்கொள்ளப்பட்டு வரும் வாகனத் தணிக்கை பணிகள், காவலா்களின் பணிப் பதிவு மற்றும் பாதுகாப்பு நடவடிக்கைகள் குறித்து கேட்டறிந்தாா்.

மேலும், சந்தேகத்திற்கிடமான வாகனங்கள் மற்றும் நபா்களை தீவிரமாக கண்காணித்து, சட்டவிரோத செயல்கள் நடைபெறாத வகையில் தொடா்ந்து விழிப்புடன் பணியாற்ற வேண்டும் என காவல்துறையினருக்கு அறிவுறுத்தினாா்.