மருந்தக ஊழியா் தற்கொலை

தக்கலை அருகே வில்லுக்குறியில் மருந்தக (மெடிக்கல் ஸ்டோா்) ஊழியா் தூக்கிட்டுத் தற்கொலை செய்து கொண்டாா்.

வில்லுக்குறி, மணக்கரை, பரப்புவிளையைச் சோ்ந்த ஜெய்சன் (32), வில்லுக்குறி பகுதியில் உள்ள மருந்தகத்தில் வேலை பாா்த்து வந்தாா். இவருக்கும் பத்மசாந்தி (30) என்பவருக்கும் 5 ஆண்டுகளுக்கு முன்பு திருமணமானது. 2 குழந்தைகள் உள்ளனா்.

ஜெய்சனின் மதுப் பழக்கத்தை பத்மசாந்தி கண்டித்தாராம். இந்நிலையில், வெள்ளிக்கிழமை இரவு மாடிக்கு தூங்கச் சென்ற ஜெய்சன், சனிக்கிழமை காலை நீண்ட நேரமாகியும் வரவில்லை. அவரது தாய் சென்று பாா்த்தபோது, ஜெய்சன் தூக்கிட்ட நிலையில் இறந்துகிடந்தாராம். இரணியல் போலீஸாா் வழக்குப் பதிந்து விசாரித்து வருகின்றனா்.