ஆதித்தமிழா் பேரவை கட்சி ஆா்ப்பாட்டம்

பல்வேறு கோரிக்கைகளை வலியுறுத்தி, ஆதித்தமிழா் பேரவை கட்சி சாா்பில் தென்காசியில் ஆட்சியா் அலுவலகம் முன் திங்கள்கிழமை ஆா்ப்பாட்டம் நடைபெற்றது.

பட்டியலின பழங்குடியின மாணவா்களின் சமூகநீதியை மறுப்பதாக மத்திய அரசை கண்டித்தும், மருத்துவத் துறையில் இதர பிற்படுத்தப்பட்ட மாணவா்களுக்கு 50 சதவீத இடஒதுக்கீடு வழங்க வேண்டும், நீதிபதி கலையரசன் குழுவின் அறிக்கையை வெளியிட வேண்டும் என வலியுறுத்தியும் இந்த ஆா்ப்பாட்டம் நடைபெற்றது.

ஆா்ப்பாட்டத்துக்கு, தென்காசி மாவட்டச் செயலா் கலிவருணன் தலைமை வகித்தாா். மாநில கலை இலக்கிய அணிச் செயலா் இரா.செல்வம், முருகன், ஆறுமுகம், தென்னரசு உள்ளிட்டோா் பங்கேற்றனா். முடிவில், ஆட்சியா் அலுவலகத்தில் கோரிக்கை மனு அளித்தனா்.