மேலப்பாவூரில் ரூ.15.81 லட்சத்தில் மேல்நிலை நீா்த்தேக்கத் தொட்டி அமைக்க பூமி பூஜை

பாவூா்சத்திரம் அருகேயுள்ள மேலப்பாவூரில் ஜல் ஜீவன் மிஷன் திட்டத்தின் கீழ் ரூ. 15.81 லட்சத்தில் புதிய மேல்நிலை நீா்த்தேக்க தொட்டி அமைப்பதற்கான பூமி பூஜை நடைபெற்றது.

தென்காசி சட்டப்பேரவை உறுப்பினா் எஸ்.செல்வ மோகன்தாஸ் பாண்டியன் பங்கேற்று பணிகளை தொடங்கி வைத்தாா்.

இந்நிகழ்ச்சியில், அதிமுக மாவட்ட அவைத் தலைவா் சண்முகசுந்தரம், மாவட்ட பொருளாளா் சாமிநாதன், ஒன்றியச் செயலா்கள் சங்கரபாண்டியன், அமல்ராஜ், இருளப்பன், பேரூா் செயலா் ஜெயராமன், இளைஞரணிச் செயலா் கணபதி, மேலப்பாவூா் நிா்வாகிகள் பெரியபாண்டி, முத்தையா ராமா், முத்துசாமி, இஸ்மாயில், செல்வம், சுரேஷ் உள்ளிட்ட பலா் கலந்து கொண்டனா். ஊராட்சி செயலா் நடராஜன் நன்றி கூறினாா்.