ஆலங்குளத்தில் கேரட், பீன்ஸ் விலை சரிவு

ஆலங்குளம் காய்கனிச் சந்தையில் கேரட், பீன்ஸ் போன்ற காய்கனிகளின் விலை வெகுவாகக் குறைந்துள்ளது.

இக்காய்கனிகளின் விலை கடந்த சில மாதங்களாக கிலோவுக்கு ரூ. 100 வரை விற்பனையான நிலையில், கடந்த ஓரிரு நாள்களாக ரூ. 50-க்கும் கீழாக குறைந்து காணப்படுகிறது. ஞாயிற்றுக்கிழமை கேரட் கிலோவுக்கு ரூ. 25 எனவும் பீன்ஸ் ரூ. 40 எனவும் விற்பனையானது.

மற்ற காய்கனிகளின் விலை நிலவரம் (கிலோவுக்கு): உருளை ரூ. 36, வெங்காயம் ரூ. 38, சின்ன வெங்காயம் ரூ. 55, மிளகாய் ரூ. 30, பஜ்ஜி மிளகாய் ரூ. 60, கோஸ் ரூ. 16, பீட்ரூட் ரூ. 22, சேம்பு ரூ. 30, கருணை ரூ. 35, வெண்டை ரூ. 15, முள்ளங்கி ரூ. 20, சிறு கிழங்கு ரூ. 35, இஞ்சி ரூ. 40, காலிபிளவா் ரூ. 35, எலுமிச்சை ரூ. 30, சவ்சவ் ரூ. 18, அவரைக்காய் ரூ. 40, பூசணிக்காய் ரூ. 8, தடியங்காய் ரூ. 6, பூண்டு ரூ. 100, தக்காளி ரூ. 22, கத்தரி ரூ. 50, சீனி அவரை ரூ. 25, புடலை ரூ. 17, சுரைக்காய் ரூ. 10, வெள்ளரி ரூ. 15, மாங்காய் ரூ. 40, கொத்த மல்லி ரூ. 20 என விற்பனையானது.