ஆலங்குளம் தொகுதியில் பனங்காட்டுப்படை கட்சி போட்டி

பனங்காட்டுப்படை கட்சி சாா்பில் ஆலங்குளம் சட்டப்பேரவைத் தொகுதியில் போட்டியிடுவேன்என்றாா் அதன் தலைவா் ஹரி நாடாா்.

ஆலங்குளத்தில் செய்தியாளா்களிடம் அவா் திங்கள்கிழமை கூறியது: ஆலங்குளம் தொகுதியில் இதுவரை பதவியில் இருந்த எம்.எல்.ஏக்கள் எந்த நன்மையும் செய்யவில்லை. பனங்காட்டு படை கட்சி சாா்பில், இந்தத் தொகுதியில் போட்டியிட்டு வென்று அனைத்து மக்களுக்காகவும் பாடுபடுவேன்.

ஆலங்குளம் அரசு மருத்துவமனையை மேம்படுத்த நடவடிக்கை எடுக்க வேண்டும். தென்காசி - திருநெல்வேலி சாலையை உடனடியாக சீரமைக்க வேண்டும். இல்லையெனில், கட்சி சாா்பில் மாபெரும் ஆா்ப்பாட்டம் நடத்தப்படும் என்றாா் அவா். அப்போது, மாவட்டச் செயலா் ஆனந்த், இளைஞரணிச் செயலா் ஜோசப், கொள்கை பரப்புச் செயலா் லாரன்ஸ் உள்ளிட்டோா் உடன் இருந்தனா்.