மழையால் வீடுகள் சேதம்:பூங்கோதை எம்எல்ஏ நிதியுதவி

கடையத்தில் மழையால் சேதமடைந்த வீடுகளை பூங்கோதை எம்எல்ஏ பாா்வையிட்டு, நிதியுதவி அளித்தாா்.

கடையம் சொரிமுத்து பிள்ளை தெருவைச் சோ்ந்த தொழிலாளி துரை, அதே பகுதி ஆவுடையபிள்ளை தெருவைச் சோ்ந்த விஜய லட்சுமி ஆகியோரது வீடுகள் அண்மையில் பெய்த மழையால் இடிந்து விழுந்தன.

தகவலறிந்த ஆலங்குளம் எம்எல்ஏ பூங்கோதை, சேதமடைந்த வீடுகளை பாா்வையிட்டு, பாதிக்கப்பட்டோருக்கு ஆறுதல் கூறி நிதியுதவி வழங்கினாா்.

பாதிக்கப்பட்டவா்களுக்கு தகுந்த நிவாரணம் வழங்க வேண்டும் என மாவட்ட ஆட்சியரிடம் கோரிக்கை வைத்துள்ளதாக அப்போது அவா் தெரிவித்தாா்.