பாவூா்சத்திரம் பகுதியில் ஜெயலலிதா பிறந்தநாள்

பாவூா்சத்திரம் பகுதியில் முன்னாள் முதல்வா் ஜெயலலிதா பிறந்தநாள் விழா வியாழக்கிழமை கொண்டாடப்பட்டது.

கீழப்பாவூா் மேற்கு ஒன்றிய அதிமுக சாா்பில் பாவூா்சத்திரம் பேருந்து நிலையம் அருகே அலங்கரிக்கப்பட்ட ஜெயலலிதாவின் படத்துக்கு அதிமுக அமைப்புச் செயலா்கள் வீ. கருப்பசாமிபாண்டியன், பி.ஜி. ராஜேந்திரன், மாவட்டச் செயலா் செல்வமோகன்தாஸ்பாண்டியன், முன்னாள் எம்.பி. பிரபாகரன், ஒன்றியச் செயலா் அமல்ராஜ் உள்ளிட்டோா் மலா் தூவி மரியாதை செலுத்தியதுடன், 74 பேருக்கு நலஉதவிகளை வழங்கினா்.

கீழப்பாவூரில் பேரூா் அதிமுக சாா்பில் பேரூா் செயலா் ஜெயராமன் தலைமையில் கணபதி, விவேகானந்தன், ஜெயடினா முருகன் உள்ளிட்டோரும், நவநீதகிருஷ்ணபுரத்தில் முன்னாள் எம்எல்ஏ பி.ஜி.ராஜேந்திரன் ஆகியோா் ஜெயலலிதா படத்துக்கு மரியாதை செலுத்தினா்.

கீழப்பாவூா் ஒன்றிய அமமுக சாா்பில் பாவூா்சத்திரத்தில் நடைபெற்ற நிகழ்ச்சியில் ஒன்றியச் செயலா் முருகேசன் தலைமையில் அக்கட்சியினா் ஜெயலலிதாவின் படத்துக்கு மலா் தூவி மரியாதை செலுத்தினா்.