அச்சன்புதூா்: காா் கண்ணாடிகள் உடைப்பு

தென்காசி மாவட்டம் கடையநல்லூா் அருகேயுள்ள அச்சன்புதூா் பேரூராட்சித் தலைவா் தோ்தலில் அதிமுக வெற்றி பெற்றதையடுத்து 2 காா்களின் கண்ணாடிகள் உடைக்கப்பட்டன. பேரூராட்சி அலுவலக கண்ணாடிகள் நொறுக்கப்பட்டன.

அச்சன்புதூா் பேரூராட்சி மன்றத் தலைவராக டாக்டா் சுசிகரன் வெற்றி பெற்ாக செயல் அலுவலா் குமாா்பாண்டியன் அறிவித்தாா். இதைத் தொடா்ந்து ஏற்பட்ட பிரச்னையில், திமுகவினா் கூட்டமாக திரண்டு வந்து பேரூராட்சி அலுவலகத்திற்குள் நுழைய முயன்றனா். இதை போலீஸாா் தடுத்தனா்.

இதையடுத்து உள்ளே புகுந்தவா்கள் அங்கு நின்று கொண்டிருந்த செயல் அலுவலரின் காா் கண்ணாடி மற்றும் மற்றொரு காரின் கண்ணாடிகளை உடைத்ததாக கூறப்படுகிறது. தொடா்ந்து, அலுவலக கண்ணாடிகளும் உடைக்கப்பட்டதாக கூறப்படுகிறது.

இதையடுத்து அங்கு ஏராளமான போலீஸாா் குவிக்கப்பட்டனா். இந்நிலையில் தோ்தலை ரத்து செய்ய வலியுறுத்தியும், வெற்றி அறிவிப்பை ரத்து செய்ய வலியுறுத்தியும் திமுக உறுப்பினா்கள் அலுவலக வாசலில் அமா்ந்து தா்னாவில் ஈடுபட்டனா். திமுக கூட்டணிக் கட்சியினா் மற்றும் அதிமுக கூட்டணிக் கட்சியினா் அப்பகுதியில் பெருமளவில் திரண்டதால் பதற்றமான சூழ்நிலை நிலவியது.

துணைத் தலைவா் தோ்தல் ஒத்திவைப்பு: அச்சன்புதூா் பேரூராட்சி தலைவராக அதிமுகவின் சுசிகரன் வெற்றி பெற்றதையடுத்து தலைவா் தோ்தலை ரத்து செய்ய வேண்டும் என வலியுறுத்தி திமுகவினா் தா்னாவில் ஈடுபட்டனா். காா்களும் சேதப்படுத்தப்பட்டன. இதையடுத்து வெள்ளிக்கிழமை பிற்பகலில் நடைபெறவிருந்த துணைத் தலைவா் தோ்தல் ஒத்திவைக்கப்பட்டது.