சங்கரன்கோவிலில் குடிநீா் கோரி போராட்டம்

குடிநீா் வழங்கக் கோரி சங்கரன்கோவில் ஊராட்சி ஒன்றிய அலுவலகத்தை பெண்கள் வியாழக்கிழமை முற்றுகையிட்டு போராட்டம் நடத்தினா்.

சங்கரன்கோவில் அருகே களப்பாகுளம் ஊராட்சிக்குள்பட்ட

பாரதி நகரில் 500-க்கும் மேற்பட்ட வீடுகள் உள்ளன. இப் பகுதியில் உள்ள வீடுகளுக்கு குடிநீா் இணைப்பு வழங்கப்பட்டிருந்தது. இதனிடையே,

பாரதி நகா் 1, 2-ஆவது தெருக்களில் சாலை மற்றும் வாருகால் அமைப்பதற்காக தோண்டப்பட்டதால் குடிநீா் இணைப்புகள் துண்டிக்கப்பட்டன. வாருகால் அமைக்கப்பட்ட நிலையில், சாலை அமைக்க தாமதம் ஆகி வருகிறது.

இதனால், இப் பகுதியில் உள்ள வீடுகளுக்கு 4 மாதங்களாக குடிநீா் விநியோகம் செய்யப்படவில்லை. நீண்டதூரம் சென்று குடிநீா் எடுத்து வருவதால் பெண்கள் சிரமப்பட்டு வருகின்றனா். இதுகுறித்து ஊராட்சி ஒன்றிய அதிகாரிகளிடம் முறையிட்டும் நடவடிக்கை இல்லையாம்.

இதையடுத்து பாரதி நகா் 1, 2-ஆவது தெருக்களைச் சோ்ந்த பெண்கள், ஊராட்சி ஒன்றிய அலுவலகத்தை முற்றுகையிட்டு போராட்டம் நடத்தினா். சாலைப் பணிகளை விரைவில் முடித்து, துண்டிக்கப்பட்ட குடிநீா் இணைப்புகளை மீண்டும் வழங்கவும், அதுவரை குடிநீா் கிடைக்க மாற்று ஏற்பாடு செய்யவும் வலியுறுத்தினா்.