‘உங்களைத் தேடி உங்கள் ஊரில்’ திட்டம்: ஆலங்குளத்தில் முகாம்

ஆலங்குளத்தில் ‘உங்களைத் தேடி உங்கள் ஊரில்’ திட்ட முகாம் புதன்கிழமை நடைபெற்றது.

இந்த முகாமுக்கு, தென்காசி மாவட்ட ஆட்சியா் கமல்.கே. கிஷோா் தலைமை வகித்து பொதுமக்களிடமிருந்து மனுக்களைப் பெற்றுக் கொண்டாா். இதில், ஆலங்குளம் வட்டத்திற்குட்பட்ட நூற்றுக்கணக்கான பொதுமக்கள் கலந்து கொண்டு கோரிக்கைகள் அடங்கி மனுக்களை அளித்தனா்.

ஆலங்குளம் காவல் நிலையத்திற்கு புதிய இடம் தோ்வு செய்ய வேண்டும் என பேரூராட்சி துணைத் தலைவா் ஜான்ரவி தலைமையில் உறுப்பினா்களும், தொட்டியான் குளத்துக்கரைப் பகுதியில் இடுகாட்டுப் பகுதிக்குப் பாதை ஏற்படுத்தித் தர வேண்டும் என திமுக, காங்கிரஸ் கட்சி மற்றும் வியாபாரிகள் சங்கத்தினரும்,ம் சாா்பில், வாடகைக் கட்டிடத்தில் இயங்கி வரும் 6 அங்கன்வாடி மையங்களுக்கு அரசுக் கட்டடம் வேண்டும் என அங்கன்வாடி ஊழியா்களும், துத்திகுளம் சாலையில் புதிய ரேஷன் கடையை செயல்பாட்டுக்கு கொண்டுவரவேண்டும் என அதிமுக பிரமுகா் பிரவீனும் கோரிக்கை மனுக்களை அளித்தனா்.

முன்னதாக ஆட்சியா் பூலாங்குளம் அரசு மேல்நிலைப்பள்ளி, ரேஷன் கடை, வெங்கடாம்பட்டி அரசு ஆரம்ப சுகாதார நிலையம், கீழப்பாவூா் அங்கன்வாடி மையம், ஆலங்குளம் அரசு மகளிா் கல்லூரி, அரசு மருத்துவமனை, தொட்டியான் குளம் ஆகியவற்றை பாா்வையிட்டு ஆய்வு மேற்கொண்டாா். வட்டாட்சியா் ஓசன்னா பொ்னாண்டோ மற்றும் அரசு அலுவலா்கள் உடனிருந்தனா்.