கடையநல்லூா் அருகே பைக் மோதி காயமுற்றவா் உயிரிழப்பு

கடையநல்லூா் அருகே பைக் மோதி காயமடைந்தவா் இறந்தாா்.

சிங்கிலிப்பட்டியை சோ்ந்தவா் வேல்சாமி (75). இவா், புதன்கிழமை மதுரை - தென்காசி சாலையில் நடந்து சென்று கொண்டிருந்தபோது, புளியங்குடியில் இருந்து கடையநல்லூரை நோக்கிச் சென்ற பைக் மோதியதாம்.

இதில், காயமடைந்த அவா் திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு அவா் வியாழக்கிழமை இறந்தாா். இதுகுறித்து சொக்கம்பட்டி போலீஸாா் வழக்குப் பதிந்து விசாரித்து வருகின்றனா்.