பாவூா்சத்திரம் அருகே சேதமடைந்த சாலையை சீரமைக்க வலியுறுத்தல்

தென்காசி மாவட்டம், பாவூா்சத்திரம் அருகே செல்லத்தாயாா்புரம்-பெத்தநாடாா்பட்டி சாலை பல ஆண்டுகளாகப் பராமரிப்பின்றி சேதமடைந்துள்ளதால், அதை சீரமைக்க வேண்டும் என பொதுமக்கள் வலியுறுத்தியுள்ளனா்.

செல்லத்தாயாா்புரத்தில் இருந்து பெத்தநாடாா்பட்டி வரை சுமாா் 5 கிலோ மீட்டா் தொலைவுக்கு அமைந்துள்ள இந்தச் சாலை, பல இடங்களில் ஜல்லிக் கற்கள் பெயா்ந்து போக்குவரத்துக்குத் தகுதியற்ற நிலையில் உள்ளது. இதனால், வாகன ஓட்டிகள் பெரும் அவதிக்குள்ளாகின்றனா். விபத்து ஏற்படும் அபாயமும் உள்ளது.

இதுகுறித்து, சம்பந்தப்பட்ட துறை அதிகாரிகளிடம் பலமுறை கோரிக்கை விடுத்தும், உரிய நடவடிக்கை எடுக்கப்படவில்லை என பொதுமக்கள் தெரிவிக்கின்றனா். எனவே, இந்தச் சாலையை சீரமைத்து, மின் விளக்குகள் அமைக்க வேண்டும் என அப்பகுதி மக்கள் கோரிக்கை விடுத்துள்ளனா்.