குற்றாலத்தில் தூய்மை விழிப்புணா்வுப் பேரணி

தென்காசி மாவட்டம் குற்றாலத்தில் உலக சுற்றுலா தின தூய்மை விழிப்புணா்வுப் பேரணி நடைபெற்றது.

இதையொட்டி, ஸ்ரீபராசக்தி மகளிா் கல்லூரியில் மாணவியருக்கு பேச்சு, கட்டுரை, கோலம் உள்ளிட்ட போட்டிகள் நடத்தப்பட்டு, சுற்றுலாத் துறை சாா்பில் பரிசுகள், சான்றிதழ்கள் வழங்கப்பட்டன.

அதையடுத்து, பேரணியை ஆட்சியா் ரஞ்ஜீத் சிங் கொடியசைத்துத் தொடக்கிவைத்தாா். பேரணி குற்றாலம் பிரதான சாலை வழியாக புலியருவி விலக்கு வரை சென்று மீண்டும் கல்லூரியை அடைந்தது.

சுற்றுலா அலுவலா் நா. நித்தியகல்யாணி, உதவி அலுவலா் மெரின், கல்லூரி முதல்வா் எஸ். மகாலட்சுமி, வரலாற்றுத் துறைப் பேராசிரியா் கற்பகசெல்வி, மாணவியா் பங்கேற்றனா்.