மதிதா இந்துக் கல்லூரியில் தீயணைப்பு, பாதுகாப்புப் பயிற்சி

திருநெல்வேலி மதிதா இந்துக் கல்லூரியில் தீயணைப்பு மற்றும் பாதுகாப்பு பயிற்சி முகாம் அண்மையில் நடைபெற்றது.
மதிதா இந்துக் கல்லூரியின் செஞ்சிலுவைச் சங்கம், நாட்டு நலப்பணித் திட்டம் ஆகியவற்றின் சார்பில் நடைபெற்ற நிகழ்ச்சிக்கு, கல்லூரி முதல்வர் அ.சுப்பிரமணியன் தலைமை வகித்தார். பரணி பயர்ஸ் நிறுவன அதிகாரி குமார், தீயணைப்பு மற்றும் பாதுகாப்பு செயல்முறை விளக்கம் அளித்தார். துணை முதல்வர் இளங்கோ, பேராசிரியர்கள் சேகர் மற்றும் 150-க்கும் மேற்பட்ட மாணவர்-மாணவிகள் கலந்துகொண்டனர். ஏற்பாடுகளை செஞ்சிலுவைச் சங்க மாவட்ட ஒருங்கிணைப்பாளர் கோ.சங்கரவீரபத்திரன், நாட்டு நலப்பணித் திட்ட அலுவலர் ஆ.ரந்தீர்குமார் உள்ளிட்டோர் செய்திருந்தனர்.