ஸ்ரீசித்தி விநாயகர் கோயிலில் வருஷாபிஷேகம்

பாளையங்கோட்டை, தியாகராஜநகரில் உள்ள அருள்மிகு ஸ்ரீசித்தி விநாயகர் கோயிலில் 4 ஆம் ஆண்டு வருஷாபிஷேகம் புதன்கிழமை நடைபெற்றது.
இதையொட்டி,  மஹா கணபதி ஹோமம், வருஷாபிஷேகம், கோபுர விமானம் கும்பாபிஷேகம், மூலவர் கும்பாபிஷேகம், தீபாராதனை ஆகியவை நடைபெற்றது. 
வருஷாபிஷேக ஆகம பூஜைகளை வெங்கிடசுப்பிரமணிய பட்டர் தலைமையில் பட்டர்கள் நடத்தினர். தொடர்ந்து, பக்தர்களுக்கு அன்னதானம் வழங்கப்பட்டன.
இரவு சீதாராம கல்யாணம் எனும் தலைப்பில் சிவ. சத்தியமூர்த்தியின் இசைப் பேருரை நடைபெற்றது. இதில், ஸ்ரீசித்தி விநாயகர் பக்த சேவா சங்கத் தலைவர் அண்ணாமலை, துணைத் தலைவர் என். வாகை கணேசன், நிர்வாகிகள் செல்வக்குமார், முருகன், முத்துசாமி உள்ளிட்டோர் கலந்துகொண்டனர். வியாழக்கிழமை இரவு 7 மணிக்கு சிறப்பு பூஜைகள், பக்தி இன்னிசை நிகழ்ச்சி ஆகியவை நடைபெறுகின்றன.