தமிழ்நாடு மூத்த குடிமக்கள்  சங்க செயற்குழுக் கூட்டம்

தமிழ்நாடு மூத்த குடிமக்கள் மற்றும் பென்சனர்கள் நல உரிமைச் சங்கத்தின் மாவட்டச் செயற்குழுக் கூட்டம் திருநெல்வேலியில்  நடைபெற்றது.
 மாநிலத் தலைவர் சிவ.சோமநாதன் தலைமை வகித்தார். மாவட்டச் செயலர் எஸ்.கணபதியப்பன் வரவேற்றார். பேராசிரியர் பத்மஜா அனந்தராமன் மறைவுக்கு அஞ்சலி செலுத்தப்பட்டது. பொருளாளர் கே.எஸ்.ஆறுமுகம், பி.சிவஞானம், ஆர்.பி.ராமகிருஷ்ணன் ஆகியோர் முதியோர் நலன் என்ற தலைப்பில் பேசினர்.
அக்டோபர் 1 ஆம் தேதி முதியோர் தின விழாவை சிறப்பாக கொண்டாடுவது. மத்திய அரசின் முதியோர் நலத்திட்டத்தின் கீழ் மூன்று மாதங்களுக்கு ஒரு முறை மாவட்ட ஆட்சியர் தலைமையில் முதியோர் குறைதீர்க் கூட்டம் நடத்த வேண்டும். முதியோர் உதவித்தொகை மற்றும் விதவைகளின் கோரிக்கை மனுக்களை விரைந்து பரிசீலிக்க நடவடிக்கை எடுக்க வேண்டும் என்பன உள்ளிட்ட தீர்மானங்கள் கூட்டத்தில் நிறைவேற்றப்பட்டன.  இதில் திடியூர் சி.ஈஸ்வரமூர்த்தி மாவட்டத் தலைவராகவும், பி.பொன்னம்பெருமாள் மாவட்ட இணைச் செயலராகவும் தேர்ந்தெடுக்கப்பட்டனர்.