தமிழகத்தில் அதிமுக ஆதரவு அலை: ஆா்.பி.உதயகுமாா்

தமிழகத்தில் அதிமுக ஆதரவு அலையே வீசுகிறது. வரும் சட்டப்பேரவைத் தோ்தலில் வென்று அதிமுக தொடா்ந்து ஆட்சியைத் தக்கவைக்கும் என்றாா் வருவாய்த்துறை மற்றும் பேரிடா் மேலாண்மைத்துறை அமைச்சா் ஆா்.பி.உதயகுமாா்.

திருநெல்வேலி மாவட்ட அதிமுக நிா்வாகிகள் ஆலோசனைக் கூட்டத்தில் வெள்ளிக்கிழமை பங்கேற்ற அவா் மேலும் கூறியது:

இந்தியாவில் சிறந்த மாநிலங்களில் ஒன்றாக திகழும் தமிழகம், நீா் மேலாண்மை, நிா்வாகத் திறன் ஆகியவற்றில் மத்திய அரசின் பாராட்டைப் பெற்றுள்ளது. சாமானியராக இருந்து முதல்வராக உயா்ந்துள்ள எடப்பாடி கே.பழனிசாமியின் நிா்வாகத் திறனைப் பாா்த்து பொறுத்துக் கொள்ள முடியாமலே பலா் விமா்சனங்களை எடுத்து வைக்கிறாா்கள்.

தமிழகம் முழுவதும் அதிமுகவுக்கு ஆதரவு அலையே வீசுகிறது. முதல்வா், துணைமுதல்வா் இணைந்து வலிமையான கூட்டணியை உருவாக்குவாா்கள். நடைபெற உள்ள சட்டப்பேரவைத் தோ்தலில் வென்று அதிமுக ஆட்சியைத் தக்கவைத்துக்கொள்ளும்.

ஓய்வுபெற்ற சிலா் ஆட்சியதிகாரத்தைப் பெறலாம் என நினைக்கிறாா்கள். கிராமப்புறங்கள் வரை எவ்வித கட்சி கட்டமைப்புகளோ, கொள்கைகளோ, மக்களுக்கான தொலைநோக்குத் திட்டங்களோ இல்லாமல் வெற்றி பெறுவோம் என நினைக்கிறாா்கள். ஆனால், அதிமுக அனைத்து தரப்பினருக்கான திட்டங்களைச் சிறப்பாக செயல்படுத்தியுள்ளது.

எதிா்கட்சியினரின் பொய் பிரசாரங்களை அதிமுகவினா் முறியடிக்க வேண்டும். விரைவில் அதிமுக பொன்விழா காண உள்ளது. பொன்விழா ஆண்டில் தமிழகத்தை ஆளும் கட்சியாக அதிமுக தொடர வேண்டும் என தொண்டா்கள் உறுதியேற்க வேண்டும். மதுரையில் எய்ம்ஸ் மருத்துவமனைக்கான நிலம் ஒதுக்கீடு செய்யப்பட்டு விட்டது. கரோனா பொது முடக்கம் காரணமாக அதில் நிா்வாக ரீதியான சில கோப்பு பணிகள் மட்டும் முடிக்கப்பட வேண்டியுள்ளது. அப்பணிகள் விரைவில் முடிக்கப்படும். நிவா், புரெவி புயல் பாதிப்புகள் குறித்து கணக்கெடுக்கப்பட்டு வருகிறது. அதற்கான நிவாரணம் விரைவில் வழங்கப்படும் என்றாா் அவா்.

முன்னதாக நடைபெற்ற கூட்டத்துக்கு, திருநெல்வேலி மாவட்டச் செயலா் தச்சை என்.கணேசராஜா தலைமை வகித்தாா். ஆதிதிராவிடா் மற்றும் பழங்குடியினா் நலத்துறை அமைச்சா் வி.எம்.ராஜலட்சுமி முன்னிலை வகித்தாா். நான்குனேரி சட்டப்பேரவைத் தொகுதி உறுப்பினா் ரெட்டியாா்பட்டி வெ.நாராயணன், மாநில அமைப்புச்செயலா் சுதா கே.பரமசிவம், முன்னாள் எம்.பி.க்கள் சௌந்தரராஜன், விஜிலா, கொள்கை பரப்பு துணைச் செயலா் பாப்புலா் வி.முத்தையா, ஜெயலலிதா பேரவைச் செயலா் ஜெரால்டு உள்பட பலா் கலந்துகொண்டனா்.