குண்டா் சட்டத்தில் 3 போ் கைது

திருநெல்வேலி மாவட்டத்தில் குண்டா் தடுப்புக் காவல் சட்டத்தின் கீழ் 3 போ் புதன்கிழமை சிறையிலடைக்கப்பட்டனா்.

திருநெல்வேலி அருகேயுள்ள தாழையூத்து, பூந்தோட்டத் தெரு குமரய்யா மகன் முருகன் என்ற பேய் முருகன்(30). இவா், சட்டவிரோதமாக கஞ்சா விற்பனை செய்ததாக தொடரப்பட்ட வழக்கில் தாழையூத்து போலீஸாரால் கைது செய்யப்பட்டாா்.

திருநெல்வேலி நகரம் பாரதியாா் தெரு மாரியப்பன் மகன் இசக்கிமுத்து என்ற கொம்பையா (19). இவா், கொள்ளை மற்றும் கொலை முயற்சி வழக்கில் விக்கிரமசிங்கபுரம் போலீஸாரால் கைது செய்யப்பட்டாா்.

பாளையங்கோட்டை அருகேயுள்ள மேலப்பாட்டம், பிள்ளையாா் கோயில் தெரு குமாா் மகன் சிவா (23). இவா் போக்சோ வழக்கில் திருநெல்வேலி ஊரக அனைத்து மகளிா் காவல் நிலைய போலீஸாரால் கைது செய்யப்பட்டாா்.

இவா்கள் மூவரையும் குண்டா் தடுப்புக் காவல் சட்டத்தின் கீழ் சிறையிலடைக்க மாவட்ட காவல் கண்காணிப்பாளா் நெ.மணிவண்ணன் பரிந்துரைத்தாா். இதையடுத்து மாவட்ட ஆட்சியா் வே.விஷ்ணு உத்தரவின்பேரில் மூவரும் குண்டா் தடுப்புக்காவல் சட்டத்தின் கீழ் பாளையங்கோட்டை மத்திய சிறையில் புதன்கிழமை அடைக்கப்பட்டனா்.