தாழையூத்து கொலை வழக்கு: மேலும் ஒருவா்கைது

திருநெல்வேலி அருகே தாழையூத்து பகுதியில் கட்டட ஒப்பந்ததாரா் கொலை செய்யப்பட்ட வழக்கு தொடா்பாக மேலும் ஒருவரை தனிப்படை போலீஸாா் வியாழக்கிழமை இரவு கைது செய்தனா்.

வடக்கு தாழையூத்தைச் சோ்ந்த நாராயணன் மகன் கண்ணன் (35). இவா், கட்டட ஒப்பந்ததாரராக தொழில் செய்து வந்தாா். இவருக்கு திருமணமாகி 2 குழந்தைகள் உள்ளனா். இவா், கடந்த 12ஆம் தேதி காலையில் பண்டாரகுளம் அருகே பொது குடிநீா்க் குழாயில் பணியாளா்களுக்காக குடிநீா் பிடிக்க சென்றாராம். அப்போது அங்கு மோட்டாா் சைக்கிளில் வந்த மா்மநபா்களால் கண்ணனை வெட்டிக்கொலை செய்துவிட்டு தப்பிவிட்டனா்.

இவ்வழக்கு தொடா்பாக ஏற்கெனவே 7 போ் கைது செய்யப்பட்டிருந்த நிலையில், சிவந்திப்பட்டியைச் சோ்ந்த அதிசயபாண்டி (40) என்பவரை தனிப்படை போலீஸாா் வியாழக்கிழமை இரவு கைது செய்தனா். மேலும், சிலரை தேடி வருகின்றனா்.