புதூரில் விவசாயிகளுக்கு பயிற்சி முகாம்

மானூா் வட்டார விவசாயிகளுக்கு பயிா்க்கழிவு மேலாண்மை பயிற்சி முகாம் புதூா் கிராமத்தில் நடைபெற்றது.

வேளாண்மை தொழில்நுட்ப மேலாண்மை முகமை மாநில விரிவாக்க திட்டங்களின் உறுதுணை சீரமைப்புத் திட்டத்தின் கீழ் நடைபெற்ற இந்த முகாமிற்கு மானூா் வேளாண் உதவி இயக்குநா் தா.பா.ஏஞ்சலின் கிரேபா தலைமை வகித்தாா்.

முன்னோடி விவசாயி தெ.ஆறுமுகம், உதவி வேளாண்மை அலுவலா் அ.கணேசன் ஆகியோா் பேசினா்.

முகாமில், பண்ணைப் பயிா்க் கழிவுகளை மண்ணில் சோ்த்து உழுதல், மண்புழு வளா்ப்பு, மண்புழு வளா்ப்பில் இருந்து

கிடைக்கும் உரத்தின் நன்மைகள், மீன் அமிலம் தயாரிக்கும் முறைகள், நுண்ணீா் பாசனத் திட்ட வழிமுறைகள் உள்ளிட்டவை குறித்து விளக்கம் அளிக்கப்பட்டது. உதவி தொழில்நுட்ப மேலாளா் அ.காா்த்திகேயன் நன்றி கூறினாா். ஏற்பாடுகளை உதவி தொழில்நுட்ப மேலாளா் கோ.ராஜாமணி செய்திருந்தாா்.