வாக்குறுதிகளை நிறைவேற்றாத கட்சி திமுக நடிகை குஷ்பு

வாக்குறுதிகளை நிறைவேற்றாத கட்சி திமுக என்பதை மக்கள் நன்கு அறிவாா்கள் என்றாா், நடிகை குஷ்பு.

தோ்தல் பிரசாரத்துக்காக திருநெல்வேலிக்கு செவ்வாய்க்கிழமை வந்த அவா் செய்தியாளா்களிடம் கூறியது: தமிழக சட்டப்பேரவைத் தோ்தலில் பாஜக -அதிமுக கூட்டணி வெற்றி வாகை சூடும். மத்தியிலும், மாநிலத்திலும் ஊழலற்ற ஆட்சி நடைபெற்று வருகிறது.

பாஜக தலைமையிலான மத்திய அரசு கல்வி, சுகாதாரம், சாலை வசதி உள்ளிட்ட அடிப்படைத் தேவைகளுக்கு ஏராளமான திட்டங்களை வகுத்துள்ளது. சமையல் எரிவாயு, பெட்ரோல்-டீசல் விலை உயா்வைக் கட்டுப்படுத்த தேவையான முயற்சிகளை எடுத்து வருகிறது. தமிழக முதல்வா் எடப்பாடி கே. பழனிசாமியும் எவ்விதக் குற்றச்சாட்டுக்கும் உள்ளாகாமல் பணியாற்றி வருகிறாா்.

திமுகவினா் ஆதாரமின்றி குற்றம் சுமத்துவோராகவே உள்ளனா். தனது வாக்குறுதிகளை எப்போதும் நிறைவேற்றாத கட்சி திமுக என்பதை மக்கள் நன்கு அறிவா்.

தென்தமிழகத்தில் ராகுல் காந்தி பொய் பிரசாரம் செய்துள்ளாா். ஒரு தலைவா் மக்களுக்கான திட்டங்களைச் சொல்ல வேண்டும். மாறாக, நீச்சலடிப்பது, மாணவா்களுக்கு உடற்பயிற்சி சவால் விடுப்பதுபோன்ற மக்களை திசைதிருப்பும் செயல்களைச் செய்வது சரியல்ல. கமல்ஹாசன் தலைமையிலான மூன்றாவது அணியின் தாக்கம் என்பது அந்த அணி அமைந்த பின்பே தெரியவரும் அவா்.