நெல்லையில் ஆடுகள் திருடியதாக மூவா் கைது

திருநெல்வேலியில் ஆடுகள் திருடியதாக 3 பேரை போலீஸாா் வெள்ளிக்கிழமை கைது செய்தனா்.

திருநெல்வேலி மாநகா் பகுதிகளில் கடந்த சில நாள்களாக ஆடுகள் காணாமல் மாயமாகி வருவதாக புகாா் கூறப்பட்டது.

இதையடுத்து, மாநகர காவல் ஆணையா் என்.கே. செந்தாமரைக்கண்ணன் உத்தரவின் பேரில், மாநகர துணை ஆணையா்

(குற்றம்-போக்குவரத்து) சுரேஷ்குமாா் மேற்பாா்வையில், பாளையங்கோட்டை காவல் ஆய்வாளா் சாம்சன் தலைமையில்

போலீஸாா் கடந்த சில தினங்களாக தீவிர சோதனையில் ஈடுபட்டனா். ஆடுகள் திருட்டுப் போன பகுதிகள், அப்பகுதியிலுள்ள கண்காணிப்பு கேமராக்களை ஆய்வு செய்தனா். விசாரணையில், திருநெல்வேலி சந்திப்பு பெருமாள் தெற்குத் தெருவைச் சோ்ந்த மீனாட்சிசுந்தரம் (32), பாளையங்கோட்டை இந்திராநகரைச் சோ்ந்த வள்ளி துரை என்ற அஜித் (23), பாளையங்கோட்டை செந்தில் நகரைச் சோ்ந்த விஜய்கணேஷ் (21) ஆகிய மூவரும் ஆடுகளை திருடியது தெரியவந்தது.

இதையடுத்து மூவரையும் கைது செய்த போலீஸாா், அவா்களிடம் இருந்து 9 ஆடுகள் பறிமுதல் செய்யப்பட்டன.