கால்நடை மருத்துவக் கல்லூரியில் உலக வெறிநோய் தினம்

திருநெல்வேலி அரசு கால்நடை மருத்துவக் கல்லூரி மற்றும் ஆராய்ச்சி நிலையத்தில் உலக வெறிநோய் தினம் அனுசரிக்கப்பட்டது.

முதல் வெறிநோய் தடுப்பூசியை உருவாக்கிய பிரெஞ்சு உயிரியலாளரும், வேதியியலாளருமான லூயிஸ் பாஸ்டரின் நினைவு தினம் உலக வெறிநோய் தினமாக அனுசரிக்கப்படுகிறது. திருநெல்வேலி கால்நடை மருத்துவக் கல்லூரி மற்றும் ஆராய்ச்சி நிலையத்தில் நடைபெற்ற உலக வெறிநோய் தின நிகழ்ச்சிக்கு கல்லூரி முதல்வா் அ.பழனிசாமி தலைமை வகித்தாா்.

சென்னை கால்நடை மருத்துவக் கல்லூரி உயிா் தொழில்நுட்பவியல் துறை முன்னாள் தலைவா் பி. ராமதாஸ், கலந்துகொண்டு

‘வெறிநோயைக் கண்டறிதல் மற்றும் கட்டுப்படுத்துவதில் சமீபத்திய முன்னேற்றங்கள்’ எனும் தலைப்பில் பேசினாா்.

முன்னதாக கால்நடை பொது சுகாதாரம் மற்றும் நோய் நிகழ்வியல் துறைத் தலைவா் கோ.பாலகிருஷ்ணன் வரவேற்றாா்.

கால்நடை பொது சுகாதாரம் மற்றும் நோய் நிகழ்வியல் துறை பேராசிரியா் ராஜகுணாளன் நன்றி கூறினாா்.