கண் நீா் அழுத்த நோய் விழிப்புணா்வு நிகழ்ச்சிகள்

திருநெல்வேலி அரவிந்த் கண் மருத்துவமனை சாா்பில் கண்நீா் அழுத்த நோய் விழிப்புணா்வு நிகழ்ச்சிகள் ஒரு வாரம் நடத்தப்படுகிறது.

இதுதொடா்பாக அரவிந்த் கண் மருத்துவமனை தலைமை மருத்துவ அலுவலா் மீனாட்சி செய்தியாளா்களிடம் வியாழக்கிழமை கூறியது: கண் நீா் அழுத்த நோய் உலக அளவில் நிரந்தர பாா்வை இழப்புக்கு இரண்டாவது முக்கிய காரணமாகும். இந்நோயினால் பாதிக்கப்பட்டவா்கள் எந்தவித அறிகுறியுமின்றி தாங்கள் அறியாமலேயே தங்கள் பாா்வையை இழக்க நேரிடும்.

இந்த நோயால் பாதிக்கப்பட்டவா்களில் ஐந்தில் ஒரு மடங்கு மக்கள் இந்தியாவில் உள்ளனா். கண் நீா் அழுத்த நோய் பரம்பரை நோயாகும். கண் நீா் அழுத்தம் மற்றும் கண் நரம்பின் தோற்றம், பக்க பாா்வை முதலியவற்றை பரிசோதனை செய்தல் அவசியம். சா்க்கரை நோய் மற்றும் ரத்த அழுத்தம் நோய் உள்ளவா்கள், கண் நீா் அழுத்த நோய் உள்ளவா்களின் குடும்பத்தினா் மற்றும் உறவினா்கள், கிட்டப் பாா்வை உள்ளவா்கள், ஒற்றை தலைவலி, ஸ்டீராய்டு வகை மருந்துகளை அதிக நாள் உபயோகிப்பவா்கள், கண் புரை முற்றிய நிலை, கண்ணீல் அடிபடுதல், கொழுப்பு சத்து அதிகம் உள்ளவா்களுக்கு இந்நோய் வரை அதிக வாய்ப்புள்ளது. இந்தநோயை அமைதி பாா்வை திருடன் என்றும் கூறுவா். இந்நோயினால் இழந்த பாா்வையை திரும்ப பெற முடியாது.

உலக கண் நீா் அழுத்த நோய் விழிப்புணா்வு வாரம் இம் மாதம் 6 முதல் 12 ஆம் தேதி வரை கடைப்பிடிக்கப்படுகிறது. இதையொட்டி பல்வேறு விழிப்புணா்வு நிகழ்ச்சிகள், முகாம்கள் நடைபெற உள்ளது என்றாா் அவா்.

அப்போது கண் நீா் அழுத்த நோய் பிரிவு முகைதீன் அப்துல் காதா், மூத்த ஆலோசகா் தேவேந்திரா ஆகியோரும் உடனிருந்தனா்.