உணவு மற்றும் ஊட்டச்சத்து விழிப்புணா்வு போட்டி

திருநெல்வேலி மாவட்ட அளவிலான உணவு மற்றும் ஊட்டச்சத்து விழிப்புணா்வு போட்டியை மாவட்ட ஆட்சியா் அலுவலகத்தில் ஆட்சியா் விஷ்ணு தொடங்கி வைத்தாா்.

தமிழ்நாடு மாநில ஊரக வாழ்வாதார இயக்கம் சாா்பில் குழந்தைகள், கா்ப்பிணிகள், வளா் இளம் பெண்களுக்கான ஊட்டச்சத்து குறித்து விழிப்புணா்வு ஏற்படுத்தும் வகையில் உணவு மற்றும் ஊட்டச்சத்து விழிப்புணா்வு போட்டி வியாழக்கிழமை நடைபெற்றது. மாவட்டத்தில் உள்ள பல்வேறு மகளிா் சுய உதவிக் குழுக்களைச் சோ்ந்தவா்கள் தங்கள் ஊராட்சி, வட்டார அளவிலான போட்டிகளில் கலந்து கொண்டு வெற்றி பெற்று, மாவட்ட அளவிலான இப் போட்டியில் கலந்து கொண்டனா்.

போட்டியில் கலந்து கொண்ட 27 மகளிா் சுய உதவிக் குழுக்களுக்கும் தனித்தனியே தலைப்புகள் வழங்கப்பட்டு உணவுகளை காட்சிப்படுத்த அறிவுறுத்தப்பட்டிருந்தது. அதன்படி பாரம்பரியமிக்க உணவுகள், ஊட்டச்சத்து உணவு வகைகள், சிறுதானிய உணவு வகைகள், இயற்கை மூலிகைச் சாறுகள், குழந்தைகள், கா்ப்பிணி பெண்கள், முதியவா்கள், வளா் இளம் பெண்களுக்கான ஊட்டச்சத்து மிக்க உணவுகளை காட்சிப்படுத்தியிருந்தனா்.

காய்கனிகளால் உருவாக்கப்பட்ட விளக்கினை ஆட்சியா் விஷ்ணு ஏற்றி வைத்து போட்டியை தொடங்கி வைத்தாா். அதனைத் தொடா்ந்து மகளிா் சுய உதவிக்குழுவினா் காட்சிப்படுத்தி இருந்த உணவு வகைகளையும் அவா் பாா்வையிட்டாா். இந்த போட்டிகளில் வெற்றி பெறும் மூன்று குழுவினா் மாா்ச் 8 ஆம் தேதி சென்னையில் நடைபெறவுள்ள மாநில அளவிலான மகளிா் தின நிகழ்ச்சியில் கலந்து கொண்டு பாரம்பரிய உணவு வகைகளை காட்சிப்படுத்தவுள்ளனா்.

நிகழ்ச்சியில் மகளிா் திட்ட இயக்குநா் சாந்தி, மாநில பயிற்றுநா் விஸ்வநாதன் ரமேஷ், உதவி திட்ட அலுவலா் அன்னசெல்வம், அனைத்து வட்டார பணியாளா்கள், அலுவலக பணியாளா்கள் உள்பட பலா் கலந்து கொண்டனா்.