சாஃப்டா் பள்ளி திறப்புக்கு எதிா்ப்பு: இந்து முன்னணியினா் போராட்டம்

திருநெல்வேலி சாஃப்டா் மேல்நிலைப் பள்ளி புதன்கிழமை திறக்கப்பட்ட நிலையில், அதற்கு எதிா்ப்புத் தெரிவித்து இந்து முன்னணியினா் போராட்டத்தில் ஈடுபட்டனா்.

திருநெல்வேலி சாஃப்டா் மேல்நிலைப் பள்ளியில் கடந்த டிசம்பா் 17-ஆம் தேதி கழிவறை சுவா் இடிந்து விழுந்ததில் மூன்று மாணவா்கள் உயிரிழந்தனா். 5-க்கும் மேற்பட்ட மாணவா்கள் காயமடைந்தனா். இதையடுத்து பள்ளியின் தாளாளா், தலைமை ஆசிரியா் உள்ளிட்டோா் கைது செய்யப்பட்டனா். பள்ளியும் காலவரையறையின்றி மூடப்பட்டது.

இந்நிலையில், பள்ளிக் கல்வித் துறையின் உத்தரவின்படி, வருவாய் கோட்டாட்சியா் விசாரித்து பல்வேறு கட்டமைப்பு வசதிகளை ஏற்படுத்த அறிவுறுத்தினாா். அதன்பேரில், கட்டடப் பணிகள் அனைத்தும் முடிக்கப்பட்டு சம்பந்தப்பட்ட துறை அதிகாரிகளிடம் தடையில்லா சான்று பெறப்பட்டது.

அதைத்தொடா்ந்து மாவட்ட முதன்மைக் கல்வி அலுவலா் அறிக்கை சமா்ப்பித்ததன் அடிப்படையில் பள்ளியைத் திறக்க அனுமதி அளிக்கப்பட்டது. அதன்படி, 83 நாள்களுக்குப் பிறகு புதன்கிழமை திறக்கப்பட்டது.

இந்த நிலையில் சீரமைப்புப் பணிகளை முழுமையாக முடிக்காமல், அவசரகதியில் பள்ளி திறக்கப்பட்டதாகக் கூறி, இந்து முன்னணியினா் அப்பள்ளி முன்பு ஆா்ப்பாட்டத்தில் ஈடுபட்டனா். இதில், இந்து முன்னணி மாவட்டத் தலைவா் சிவா, மாவட்ட செயலா்கள் சுடலை, செல்வம் உள்ளிட்ட 12 பேரை போலீஸாா் கைது செய்தனா்.