கடலோர தமிழகத்தில் இன்று மழைக்கு வாய்ப்புரமலான்: கன்னியாகுமரிக்கு இன்று சிறப்பு ரயில்அண்ணா பல்கலை. முனைவா் பட்டங்களுக்கு விண்ணப்பிக்க மாா்ச் 28 கடைசி நாள்ஈரான் விவகாரத்தில் ஜப்பான் ஒத்துழைக்க வேண்டும் : டிரம்ப் அழைப்புவேளச்சேரி-பரங்கிமலை இடையே ரயிலில் பயணிப்போா் அதிகரிப்பு : கூடுதல் ரயில்கள் இயக்க முடிவு
/

நெற்பயிரில் இலைசுருட்டுப் புழுவைக் கட்டுப்படுத்த ஆலோசனை

கடையம் வட்டாரத்தில் இலைசுருட்டுப் புழு, குருத்துப்பூச்சித் தாக்குதலைக் கட்டுப்படுத்தவும், தற்காத்துக் கொள்ளவும் கடையம் வட்டார வேளாண் உதவி இயக்குநா் பா. ஏஞ்சலின்பொன்ராணி ஆலோசனை தெரிவித்துள்ளாா்.

News image

நெல்குருத்துப் பூச்சியால் பாதிக்கப்பட்ட நெற்கதிா்.

Updated On :8 ஜனவரி 2025, 8:10 pm

Din

கடையம் வட்டாரத்தில் இலைசுருட்டுப் புழு, குருத்துப்பூச்சித் தாக்குதலைக் கட்டுப்படுத்தவும், தற்காத்துக் கொள்ளவும் கடையம் வட்டார வேளாண் உதவி இயக்குநா் பா. ஏஞ்சலின்பொன்ராணி ஆலோசனை தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: கடையம் வட்டாரத்தில் பிசான சாகுபடியில் நெற்பயிா்கள் நடவு, வளா்ச்சிப் பருவத்தில் உள்ளன. அவற்றை இலைசுருட்டுப் புழு, குருத்துப்பூச்சி ஆகியவை தாக்கும் அபாயம் உள்ளது.

இலைசுருட்டுப் புழு தாக்கிய பயிரின் இலைகள் நீள்வாக்கில் மடிக்கப்பட்டிருக்கும். அதற்குள் புழு காணப்படும். புழுக்கள் பச்சைநிற திசுக்களை சுரண்டுவதால் இலைகள் வெண்மையாக மாறி காய்ந்துவிடும். தீவிர தாக்குதலின்போது முழு நெல் வயலும் வெண்மையான நிறத்தில் காய்ந்ததுபோலக் காட்சியளிக்கும்.

குருத்துப்பூச்சியால் பாதிக்கப்பட்ட நெற்கதிா்கள் வெண்மையாக மாறிவிடும். இழுத்தால் கதிா்கள் கையோடு வந்துவிடும். கதிரின் தண்டுகள் குருத்துப்பூச்சியால் துண்டிக்கப்பட்டிருக்கும்.

விவசாயிகள் வயல்களில் விளக்குப் பொறிகளை அமைத்து, தாய் அந்துப்பூச்சிகளைக் கவா்ந்து அழிக்கலாம். அதிக தாக்குதல் தென்பட்டால் ஏக்கருக்கு குளோரிபைரிபாஸ் 20% இ.சி. - 500 மிலி, அசிபேட் 75% 400 கிராம், பிப்ரோனில் 80% 20-25 கிராம், காா்டாப் ஹைட்ரா குளோரைடு 50% எஸ்.பி. 400 கிராம் - இவற்றில் ஏதேனும் ஒன்றைத் தெளித்து கட்டுப்படுத்தலாம் என்றாா் அவா்.