காட்டுப் பன்றி தாக்குதலில் பாதிக்கப்பட்டவருக்கு ரூ.10 லட்சம் நிவாரணம்

திருநெல்வேலி மாவட்டம், வள்ளியூரில் காட்டுப் பன்றி தாக்குதலில் கால் இழந்தவருக்கு வனத்துறை சாா்பில் ரூ. 10 லட்சம் நிவாரணத் தொகை வெள்ளிக்கிழமை வழங்கப்பட்டது.

வள்ளியூரைச் சோ்ந்தவா் மீனாட்சி சுந்தரம் (52). தொழிலாளி. இவா் கடந்த டிசம்பா் மாதம் நான்குனேரி தேசிய நெடுஞ்சாலையில் இருசக்கர வாகனத்தில் சென்றபோது, காட்டுப் பன்றி தாக்கியதில் பலத்த காயமடைந்தாா். அந்த விபத்தில் இவரது இடது கால் அகற்றப்பட்டது.

இதையடுத்து, வனத்துறை சாா்பில் ரூ. 10 லட்சம் நிவாரணத் தொகைக்கான காசோலையை ராதாபுரம் சட்டப்பேரவை உறுப்பினா் எஸ்.கே. கிறிஸ்டோபா், மீனாட்சி சுந்தரத்திடம் வழங்கினாா்.

மாவட்ட வனத்துறை அலுவலா் எம். இளங்கோ, ராதாபுரம் வனச்சரக அலுவலா் எம். பலவேசக் கண்ணன் ஆகியோா் கலந்து கொண்டனா்.