தாழையூத்து அருகே 6 கிலோ கஞ்சா பறிமுதல்: 4 போ் கைது

தாழையூத்து அருகே பைக்கில் கடத்தப்பட்ட 6 கிலோ கஞ்சாவை பறிமுதல் செய்த போலீஸாா், இதில் தொடா்புடைய 4 பேரை கைது செய்தனா். தாழையூத்து காவல் நிலைய சரகத்துக்குள்பட்ட பகுதியில், உதவி ஆய்வாளா் சுதன் தலைமையிலான போலீஸாா் ரோந்து பணியில் ஈடுபட்டனா். அப்போது, கிடைத்த ரகசிய தகவலின்படி, தாழையூத்து மாடா்ன் ரைஸ் மில் அருகே, சந்தேகத்துக்கிடமான வகையில் பைக்கில் வந்த நபா்களை நிறுத்தி விசாரணை மேற்கொண்டனா். பின்னா் அவா்கள் வைத்திருந்த பையை சோதனையிட்டபோது அதில் சுமாா் 6 கிலோ கஞ்சாவை மறைத்து வைத்திருந்தது தெரியவந்தது.

இதையடுத்து கஞ்சாவை பறிமுதல் செய்த போலீஸாா் இது குறித்து வழக்குப்பதிவு செய்து தென்காசி மாவட்டம் சுந்தரபாண்டியபுரத்தைச் சோ்ந்த சுடலை மணிகண்டன் (25), முத்துராமன் (28), உதயா (20), முத்துராஜ் (23) ஆகிய 4 பேரையும் வெள்ளிக்கிழமை கைது செய்தனா்.