கஞ்சா வழக்கில் இளம்பெண் கைது

திருநெல்வேலி மாநகரில் சுமாா் 1.250 கிலோ கஞ்சா பறிமுதல் செய்யப்பட்ட வழக்கில் இளம்பெண்ணை போலீஸாா் கைது செய்தனா்.

திருநெல்வேலி நகரம் உழவா் சந்தை பகுதியில் விற்பனைக்காக கஞ்சா வைத்திருந்ததாக, அதே பகுதியில் முத்துராமலிங்கபுரத்தை சோ்ந்த மாரிமுத்து மகன் தங்கதுரை (23) என்பவரை போலீஸாா் கடந்த மாதம் கைது செய்தனா்.அவரிடமிருந்து சுமாா் 1.250 கிலோ கஞ்சா பறிமுதல் செய்யப்பட்டது. தங்கதுரையிடம் நடத்தப்பட்ட விசாரணையில், திருநெல்வேலி அருகே உள்ள துறையூரைச் சோ்ந்த பிரியங்கா(31) என்பவருக்கும் இவ்வழக்கில் தொடா்பிருப்பது தெரியவந்தது. அவரை திருநெல்வேலி நகரம் போலீஸாா் செவ்வாய்க்கிழமை கைது செய்தனா்.