சிறப்பாக பணியாற்றிய காவலா்களுக்கு பாராட்டு

போக்ஸோ வழக்கில் குற்றவாளிகளுக்கு தண்டனை பெற்றுத் தர சிறப்பாக பணியாற்றிய போலீஸாரை, திருநெல்வேலி சரக காவல் துறை துணைத் தலைவா் இரா.திருநாவுக்கரசு பாராட்டினாா்.

திருநெல்வேலி மாவட்டம், வள்ளியூா் காவல் நிலையத்தில் பதிவு செய்யப்பட்ட போக்ஸோ வழக்கில், புலனாய்வு மேற்கொண்டு, சாட்சிகள், ஆவண ஆதாரங்களை நீதிமன்றத்தில் சமா்ப்பித்து குற்றவாளிக்கு தண்டனைப் பெற்றுத் தருவதில் காவல் ஆய்வாளா் சி. சாந்தி, தலைமைக் காவலா் க. இந்திராணி ஆகியோா் முக்கியப் பங்காற்றினா்.

இவா்களின் பணியை பாராட்டி ஊக்குவிக்கும் விதமாக திருநெல்வேலி சரக காவல்துறை துணைத் தலைவா் இரா.திருநாவுக்கரசு, சரக காவல் அலுவலகத்துக்கு நேரில் அழைத்து, பாராட்டுச் சான்றிதழ்கள் வழங்கி கௌரவித்தாா்.