ஆறுமுகனேரியில் 11 அடி வீர விநாயகர் சிலை பிரதிஷ்டை

ஸ்ரீசோமசுந்தரி அம்மன் சமேத ஸ்ரீசோமநாதசுவாமி கோயிலில் ஞாயிற்றுக்கிழமை காலை 11 அடி உயர வீர விநாயகர் சிலை பிரதிஷ்டை செய்யப்பட்டது.

அங்கிருந்து இரவு 7 மணிக்கு விநாயகர் ரத ஊர்வலம் புறப்பட்டு, ஸ்ரீ பத்திரகாளி அம்மன் கோயிலுக்கு வந்தது. அங்கு சிறப்பு பூஜையை தொடர்ந்து மெயின் பஜார் செந்தில் விநாயகர் ஆலயத்தில் சிலை பிரதிஷ்டை செய்யப்பட்டது.

இந்நிகழ்ச்சியில் மாவட்ட இந்து முன்னணிச் செயலர் எம்.கசமுத்து, திருச்செந்தூர் வடக்கு ஒன்றியத் தலைவர் ஜி.ராமசாமி, ஆறுமுகனேரி நகரத் தலைவர் பி.சேர்மத்துரை உள்ளிட்ட பலர் கலந்துகொண்டனர்.

புதன்கிழமை (செப். 16) ஆறுமுகனேரியில் பல்வேறு இடங்களில் 35 விநாயகர் சிலைகள் பிரதிஷ்டை செய்யப்படுகின்றன. 19ஆம் தேதி மாலையில் 108 விநாயகர் சிலை ஊர்வலம் தொடங்கி, காயல்பட்டினம் வழியாக திருச்செந்தூர் கடற்கரைக்கு செல்கிறது. அங்கு சிலைகள் விசர்ஜனம் செய்யப்படும்.