ஆறுமுகனேரியில் வீட்டில் நகை திருட்டு

ஆறுமுகனேரியில் வீட்டின் கதவை உடைத்து  நகையை திருடிச் சென்ற மர்ம நபர்களை போலீஸார் தேடி வருகின்றனர். 
ஆறுமுகனேரி வடக்குதெரு எல்.எப். சாலையில்  வசித்து வருபவர் பூராஜ். இவர் சென்னையில் பணியாற்றி வருகிறார். அவரது மனைவி புனிதா மற்றும் அவர்களது குழந்தைகள் ஆறுமுகனேரியில் வசித்து வருகின்றனர். புனிதா அவரது குழந்தைகளுடன் கடந்த 27ஆம் தேதி சோனகன்விளையில் தனது தாய் வீட்டு கோயில் கொடைக்கு சென்று விட்டனர். பின்னர் கடந்த 31ஆம் தேதி இரவு வீட்டிற்கு வந்த போது வீட்டின் பின்புற கதவை உடைக்கப்பட்டிருந்தாம். 
இதையடுத்து உள்ளே சென்று பார்த்து போது, அங்கு  பீரோவில் இருந்த  நெக்லஸ், 2 மோதிரங்கள், ஒரு ஜோடி கம்மல் உள்பட ஆறே கால் பவுன் நகை திருடு போனது தெரிய வந்ததாம். இது தொடர்பாக  புனிதா ஆறுமுகனேரி காவல்நிலையத்தில் அளித்த புகாரின் பேரில்  போலீஸார் வழக்குப் பதிந்து விசாரித்து  வருகின்றனர்.