ஸ்டெர்லைட் ஆலையை மீண்டும் திறக்க வலியுறுத்தி மனு

தூத்துக்குடியில் மூடப்பட்டுள்ள ஸ்டெர்லைட் ஆலையை மீண்டும் திறக்க வேண்டும் என வலியுறுத்தி தூத்துக்குடி மாவட்ட ஆட்சியர் அலுவலகத்தில் புதன்கிழமை மனு அளிக்கப்பட்டது.
தூத்துக்குடி 3 சென்ட் அந்தோணியார்புரம் பகுதி மக்கள் தனலட்சுமி தலைமையில் ஆட்சியர் அலுவலகத்தில் அளித்த மனு விவரம்:
தங்கள் பகுதியில் வசித்து வரும் பலதரப்பட்ட மக்கள் ஒப்பந்ததாரர்கள் மூலம் ஸ்டெர்லைட் ஆலையில் வேலைவாய்ப்பு பெற்று நல்ல வருமானம் ஈட்டி வாழ்ந்து வந்தோம். நிறுவனம் மூலமாக பல்வேறு உதவிகளும் பெற்று வந்தோம்.
தற்போது ஆலை மூடப்பட்டதால் வாழ்வாதாரம் இழந்து தவிக்கிறோம். எங்கள் வாழ்வாதாரத்தை கருத்தில் கொண்டு மூடப்பட்ட ஸ்டெர்லைட் ஆலையை மீண்டும் திறக்க ஆட்சியர் நடவடிக்கை எடுக்க வேண்டும் என மனுவில் தெரிவிக்கப்பட்டுள்ளது.