கச்சனாவிளை பள்ளியில் விளையாட்டு விழா

நாசரேத் அருகே உள்ள கச்சனாவிளை புனித மரியன்னை பெண்கள் உயர்நிலைப் பள்ளி, அசோகா வித்யாலயம் தொடக்கப் பள்ளி சார்பில் 49ஆவது விளையாட்டு விழா நடைபெற்றது. 
தூத்துக்குடி சி.பி.எஸ்.இ. பள்ளித் தாளாளர் ரொசைர் மேரி தலைமை வகித்தார். குரும்பூர் பங்குத்தந்தைஅமல்ராஜ் ஜெபித்து தொடங்கிவைத்தார். பள்ளித்தாளாளர் நான்சிமேரி, தலைமைஆசிரியை விமலாமேரி ஆகியோர் முன்னிலை வகித்தனர். ஆசிரியை செல்வகனி வரவேற்றார். தூத்துக்குடி மாவட்ட பள்ளி துணை ஆய்வாளர் தர்மராஜன் சிறப்பு விருந்தினராக கலந்துகொண்டு விளையாட்டுப் போட்டிகளில் வெற்றி பெற்ற மாணவிகளுக்கு பரிசுகள் வழங்கினார்.
இதில், பிரகாசபுரம் பங்குத்தந்தைஅந்தோணி இருதயதோமாஸ் உள்ளிட்ட ஆசிரியைகள், அலுவலர்கள், மாணவிகள் கலந்துகொண்டனர். ஆசிரியை வசந்தகுமாரி நன்றி கூறினார். ஏற்பாடுகளை பள்ளியின் உடற்கல்விஆசிரியை ஜெனிபர்,  சில்வேரா மற்றும் ஆசிரியைகள், அலுவலர்கள் செய்திருந்தனர்.