மது விற்பனை: இருவர் கைது

கோவில்பட்டி அருகே மதுவை பதுக்கி வைத்து விற்பனையில் ஈடுபட்ட இருவரை போலீஸார் கைது செய்தனர்.  
கோவில்பட்டி மேற்கு காவல் நிலைய உதவி ஆய்வாளர் இசக்கிராஜா தலைமையிலான போலீஸார் ரோந்து பணியில் ஈடுபட்டபோது, குருமலை விலக்கு அருகே மதுவை பதுக்கிவைத்து விற்பனையில் ஈடுபட்ட மந்தித்தோப்பு துளசிங்க நகரைச் சேர்ந்த க.கருத்தப்பாண்டியை(37) கைது செய்து, அவரிடமிருந்த 50 மதுபாட்டில்களையும் பறிமுதல் செய்தனர். அதேபோல், பசுவந்தனை சாலை பாண்டவர்மங்கலத்தில் உள்ள பெட்ரோல் விற்பனை நிலையம் அருகே மது விற்பனையில் ஈடுபட்ட சுப்பிரமணியபுரம் 6ஆவது தெருவைச் சேர்ந்த மு.சுப்புராஜை (37) கைது செய்த போலீஸார், அவரிடமிருந்த 45 மதுபாட்டில்களையும் பறிமுதல் செய்தனர்.