"தொழில் தொடங்க விரும்பும் திருநங்கைகள் விண்ணப்பிக்கலாம்'

தூத்துக்குடி மாவட்டத்தில் சொந்த தொழில் தொடங்க விரும்பும் திருநங்கைகள் விண்ணப்பிக்கலாம் என அறிவிக்கப்பட்டுள்ளது.
இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு:  2017-2018ஆம் நிதியாண்டில் திருநங்கைகளுக்கு நலத் திட்ட உதவிகள் மற்றும் சொந்த தொழில் தொடங்க ஒரு நபருக்கு ரூ.20,000 வீதம் 10 நபருக்கு நிதியுதவி ரூ.2,00,000 பகிர்ந்தளிக்க தகுதியுடையோரிடம் இருந்து விண்ணப்பங்கள் வரவேற்கப்படுகின்றன.
இதுதொடர்பான விவரங்களை தூத்துக்குடி மாவட்ட ஆட்சியர் அலுவலக வளாகத்தில் உள்ள மாவட்ட சமூக நல அலுவலகத்தை தொடர்பு கொண்டு செப். 25ஆம் தேதி மாலை 4 மணிக்குள் (ஆதார் அடையாள அட்டை, வாரிய அடையாள அட்டை,  குடும்ப அட்டை, விருப்பம் தெரிவிக்கும் தொழில்) போன்ற சான்றுகளுடன் நேரில் விண்ணப்பிக்கலாம்.
மேலும், விவரங்களுக்கு 0461-2325606 என்ற தொலைபேசி எண்ணை தொடர்பு கொள்ளலாம் என செய்திக் குறிப்பில் தெரிவிக்கப்பட்டுள்ளது.