10 இடங்களில் நாளை அம்மா திட்ட முகாம்

தூத்துக்குடி மாவட்டத்தில் 10 இடங்களில் வெள்ளிக்கிழமை (ஜன. 25) அம்மா திட்ட முகாம் நடைபெறுகிறது.
இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு: தமிழக அரசின் அம்மா திட்ட முகாம், தூத்துக்குடி மாவட்டத்தில் உள்ள 10 வட்டங்களிலும் அந்தந்த வட்டாட்சியர்கள் தலைமையில் வெள்ளிக்கிழமை (ஜன. 25) நடைபெறுகிறது.
அதன்படி, தூத்துக்குடி வட்டம் முடிவைத்தானேந்தல், ஸ்ரீவைகுண்டம் வட்டம் ஸ்ரீமுலக்கரை, திருச்செந்தூர் வட்டம் மூலக்கரை, சாத்தான்குளம் வட்டம் நெடுங்குளம், கோவில்பட்டி வட்டம் திட்டங்குளம், விளாத்திகுளம் வட்டம் கவுண்டன்பட்டி, எட்டயபுரம் வட்டம் சிதம்பராபுரம், ஓட்டப்பிடாரம் வட்டம் மலைப்பட்டி, கயத்தாறு வட்டம் பணிக்கர்குளம், ஏரல் வட்டம் மழவராயநத்தம் ஆகிய கிராமங்களில் முகாம் நடைபெறுகிறது.
முகாமின்போது, முதியோர் ஓய்வூதியம் உள்ளிட்ட சமூகப் பாதுகாப்புத் திட்டங்கள், பட்டா மாறுதல், இலவச வீட்டுமனைப் பட்டாக்கள், உழவர் பாதுகாப்பு அட்டை, பிறப்பு - இறப்பு சான்றுகள், சாதிச் சான்றுகள் மற்றும் வருவாய்த் துறையினரால் நிறைவேற்றப்பட வேண்டிய கோரிக்கைகள் குறித்த விண்ணப்பங்கள் ஆய்வு செய்யப்பட்டு, கோரிக்கைகள் நிறைவேற்றப்பட உள்ளதால், பொதுமக்கள் மனுக்களை அளித்து பயனடையலாம் என செய்திக் குறிப்பில் தெரிவிக்கப்பட்டுள்ளது.