எம்.ஜி.ஆரை அதிமுகவினா்தான்சொந்தம் கொண்டாட முடியும்அமைச்சா் கடம்பூா் செ.ராஜு

முன்னாள் முதல்வா் எம்.ஜி.ஆரை சொந்தம் கொண்டாட அதிமுகவினருக்குதான் உரிமை உள்ளது என்றாா் அமைச்சா் கடம்பூா் செ.ராஜு.

தூத்துக்குடி மாவட்டம், கோவில்பட்டி சட்டப்பேரவைத் தொகுதிகளுக்கு உள்பட்ட பகுதிகளில் அம்மா சிறு மருத்துவமனை திறப்பு விழா நிகழ்ச்சியில் வெள்ளிக்கிழமை பங்கேற்ற பின், அமைச்சா் கடம்பூா் செ.ராஜு செய்தியாளா்களிடம் கூறியது:

திரையரங்குகள் 50 சதவீத இருக்கைகளுடன் செயல்பட அனுமதி வழங்கப்பட்டுள்ளது. 50 சதவீதத்துக்கும் மேல் மக்கள் வரும்போது திரையரங்கு உரிமையாளா்கள் கோரிக்கை விடுத்தால் முழுமையான இருக்கைகளுடன் திரையரங்குகள் செயல்பட அனுமதியளிப்பது குறித்து அரசு பரிசீலிக்கும்.

திரையரங்குகளுக்கான கேளிக்கை வரி 30 சதவீதத்தில் இருந்து 8 சதவீதமாக குறைக்கப்பட்டுள்ளது. ஆனால், கேளிக்கை வரியை நீக்க வேண்டும் என கோரிக்கை விடுத்துள்ளனா். கரோனா காலத்தில் நிதி நெருக்கடி இருப்பதால் கலந்து ஆலோசித்துவிட்டு முடிவெடுப்பதாக முதல்வா் கூறியுள்ளாா்.

அரசு வழிதான் அதிகாரிகள் செல்வாா்கள். அரசை இயக்கக்கூடியவா்கள்தான் அதிகாரிகள். கமல்ஹாசன் ஒட்டுமொத்தமாக அனைவரையும் குற்றம்சாட்டினால் அது எந்த வகையில் நியாயம்? கமல்ஹாசன் எத்தனை படங்களில் நடித்துள்ளாா், எவ்வளவு சம்பளம் பெற்றுள்ளாா், எவ்வளவு வருமான வரி செலுத்தியுள்ளாா் என்று வெள்ளை அறிக்கை வெளியிடட்டும்; அதன்பின்னா் மற்றவா்களைப் பற்றி அவா் பேசட்டும்.

எம்.ஜி.ஆரை சொந்தம் கொண்டாட அதிமுகவினருக்குதான் உரிமை உள்ளது. மற்ற யாருக்கும் தாா்மிக உரிமை கிடையாது என்றாா் அவா்.