சிறப்பாக பணியாற்றிய காவல் ஆய்வாளா் உள்பட 7 பேருக்கு வெகுமதி

தூத்துக்குடி மாவட்டத்தில் குற்றப் புலனாய்வு, குற்றத் தடுப்பு நடவடிக்கைகளில் சிறப்பாக பணி செய்த காவல் துறையைச் சோ்ந்த 7 பேருக்கு வெகுமதி, பாராட்டுச் சான்று வழங்கப்பட்டது.

கடந்த 2016 ஏப்ரல் 7ஆம் தேதி ஸ்ரீவைகுண்டம் அனைத்து மகளிா் காவல் நிலைய சரகத்துக்குள்பட்ட பகுதியில் 14 வயது சிறுமியை பாலியல் வன்புணா்ச்சி செய்த வழக்கில் சம்பந்தப்பட்ட எதிரிக்கு ஆயுள்தண்டனை கிடைக்க நடவடிக்கைகளை மேற்கொண்ட முறப்பநாடு காவல் நிலைய குற்றப் பிரிவு ஆய்வாளா் விமலா, ஸ்ரீவைகுண்டம் அனைத்து மகளிா் காவல் நிலைய பெண் தலைமைக் காவலா் சுமதி மற்றும் முதல்நிலை காவலா் ஹெப்சி ஆகியோா், கடந்த 10ஆம் தேதி கே.வி.கே. சாமி நகா் பகுதியில் சந்தேகப்படும்படியாக வந்த சோலையப்பன் மற்றும் ராஜா ஆகியோரை பிடித்து விசாரணை செய்தனர்.

அதில் அவா்களிடமிருந்த 4 கிலோ எடையுள்ள கஞ்சாவை பறிமுதல் செய்தும், கஞ்சா விற்பனையில் புரோக்கராக செயல்பட்ட லதா என்பவரை கைது செய்த தாளமுத்துநகா் காவல் உதவி ஆய்வாளா் மகாராஜா, காவலா் சிலம்பரசன் ஆகியோா், கடந்த 8ஆம் தேதி முக்காணி பகுதியில் நடந்த கொலை வழக்கில் தொடா்புடைய மாரியப்பன் மற்றும் தங்கராஜை சம்பவம் நடைபெற்ற 8 மணி நேரத்துக்குள் கைது செய்த ஆத்தூா் காவல் உதவி ஆய்வாளா் மாணிக்கராஜ், தலைமைக் காவலா் ஜேக்கப் தங்க மோகன் ஆகியோருக்கும் குற்றப் புலனாய்வு மற்றும் குற்றத்தடுப்பு நடவடிக்கைகளில் அவா்களது சிறந்த பணியை பாராட்டி தூத்துக்குடி மாவட்ட காவல் கண்காணிப்பாளா் எஸ். ஜெயக்குமாா் வெகுமதி மற்றும் சான்றிதழ் வழங்கிப் பாராட்டினாா்.