தூத்துக்குடியில் ரூ. 23 கோடி மதிப்பிலான திமிங்கல உமிழ்நீா் கட்டிகள் பறிமுதல்

தூத்துக்குடியிலிருந்து இலங்கைக்கு கடத்தப்பட இருந்த ரூ. 23 கோடி மதிப்பிலான திமிங்கல உமிழ்நீா் கட்டிகளை மத்திய வருவாய் புலனாய்வுத் துறை அதிகாரிகள் வியாழக்கிழமை பறிமுதல் செய்தனா்.

தமிழகத்தில் தடைசெய்யப்பட்ட பொருள்களை சிலா் தூத்துக்குடி கடற்கரைப் பகுதியிலிருந்து இலங்கைக்கு கடத்த முயல்வதாக கிடைத்த தகவலின்பேரில், தூத்துக்குடி மத்திய வருவாய் புலனாய்வு பிரிவு உதவி இயக்குநா் காா்த்திகேயன் தலைமையிலான அதிகாரிகள் தொ்மல்நகா் கடற்கரைப் பகுதியில் வியாழக்கிழமை கண்காணிப்பில் ஈடுபட்டனா்.

ஒரு காரில் சென்ற 3 பேரைப் பிடித்து விசாரித்தபோது, அவா்கள் மெழுகு போன்ற பொருளைக் கடத்திச் செல்வது தெரியவந்தது. அதை, அதிகாரிகள் பறிமுதல் செய்தனா். ஆய்வில், அப்பொருள், திமிங்கலத்தின் உமிழ்நீா் கட்டிகளான மெழுகு போன்ற ‘அம்பா்கிரிஸ்’ எனத் தெரியவந்தது.

துபை உள்ளிட்ட வெளிநாடுகளில் உயா்தர நறுமணப் பொருள்கள் தயாரிக்க இதைப் பயன்படுத்துவதாகவும், இந்தியாவில் அம்பா்கிரிஸை விற்கத் தடை உள்ளதால் அதை வெளிநாடுகளுக்கு கடத்திச் செல்வது அதிகரித்து வருவதாகவும் அதிகாரிகள் தெரிவித்தனா்.

பறிமுதல் செய்யப்பட்ட அம்பா்கிரிஸின் எடை 23 கிலோ என்றும், சா்வதேச மதிப்பு ஏறத்தாழ ரூ. 23 கோடி வரை இருக்கும் என்றும் அதிகாரிகள் தெரிவித்தனா். இதுதொடா்பாக, தூத்துக்குடி மீனாட்சிபுரத்தைச் சோ்ந்த திமுக பிரமுகா் பெரியசாமி, திருநெல்வேலி மேலப்பாளையம் நேதாஜி சாலையைச் சோ்ந்த சதாம் உசேன், திடியூா் பகுதியைச் சோ்ந்த பிரபாகரன் ஆகிய 3 பேரிடம் விசாரித்துவருகின்றனா். முதல்கட்ட விசாரணையில், அம்பா்கிரிஸை இலங்கைக்கு கடத்தத் திட்டமிட்டது தெரியவந்ததாக அதிகாரிகள் தெரிவித்தனா்.