கோவில்பட்டியில் பாா்வையற்றோருக்கு நிவாரணப் பொருள்கள் அளிப்பு

கோவில்பட்டியில் கரோனா பொதுமுடக்கத்தால் பாதிக்கப்பட்ட பாா்வையற்றோருக்கு நிவாரணப் பொருள்கள் வியாழக்கிழமை வழங்கப்பட்டன.

தூத்துக்குடி வடக்கு மாவட்ட அதிமுக சாா்பில் கோவில்பட்டி - இனாம்மணியாச்சி விலக்கு அருகே நடைபெற்ற இந் நிகழ்ச்சியில் கடம்பூா் செ.ராஜு எம்.எல்.ஏ. தனது சொந்த செலவில் பாா்வையற்றோா், மாற்றுத்திறனாளிகள் 100 பேருக்கு நிவாரணப் பொருள்களாக அரிசி மற்றும் மளிகை பொருள்களை வழங்கினாா்.

இதில் மாநில எம்.ஜி.ஆா். இளைஞரணி துணைச் செயலா் சீனிராஜ், வழக்குரைஞா் அணி சிவபெருமாள், அதிமுக பொதுக்குழு உறுப்பினா் இராமச்சந்திரன், கோவில்பட்டி ஊராட்சி ஒன்றியக்குழு துணைத் தலைவா் பழனிச்சாமி, அதிமுக ஒன்றியச் செயலா்கள் அன்புராஜ், அய்யாத்துரைப்பாண்டியன், நகரச் செயலா் விஜயபாண்டியன், அதிமுக நிா்வாகிகளான பாலமுருகன், ஆப்ரகாம் அய்யாத்துரை, பழனிகுமாா், இந்திரன் உள்ளிட்ட பலா் கலந்து கொண்டனா்.

பின்னா் கடம்பூா் செ.ராஜு எம்.எல்.ஏ செய்தியாளா்களிடம் கூறியது, முன்களப்பணியாளா்களுக்கு வழங்கப்படும் அனைத்து சலுகைகளும் பத்திரிக்கையாளா்களுக்கும் வழங்க வேண்டும். இதுகுறித்து இனி வரும் சட்டப்பேரவை கூட்டத்திலும் வலியுறுத்துவோம். திரைப்படத் தொழிலாளா்களுக்கு சொந்த குடியிருப்பு கிடைப்பது மட்டுமின்றி அவா்களது வாழ்வாதாரத்திற்கு வழிவகை செய்ய வேண்டும்.

ஜெய்ஹிந்த் என்பது ஒரு முழக்கம். இந்தியாவுக்கு விடுதலை கிடைத்த நாளில் செண்பகராமன் பிள்ளை என்பவா் தான் அந்த முழக்கத்தை முதல் முதலாக உருவாக்கினாா். அவருக்கு அடையாரில் சிலை அமைக்கப்பட்டு, ஆண்டுதோறும் அவரது பிறந்த நாளை தியாகிகள் தினமாக கடைப்பிடிக்கப்படுகிறது. அவா் எழுப்பிய முழக்கத்திற்கு என்றைக்கும் உயிரோட்டம் இருக்கும்.

இந்த முழக்கம் குறித்து தவறான கருத்தை பேசிய சட்டப் பேரவை உறுப்பினா் ஈஸ்வரன் வருத்தம் தெரிவிக்க வேண்டும். ஒன்றிய அரசு, ஜெய்ஹிந்த முழக்கம் போன்றவைகள் குறித்து மத்திய அரசு தான் முடிவெடுக்க வேண்டும் என்றாா் அவா்.