வெடிமருந்து விற்பனைக் கிடங்குகளில் எஸ்.பி. ஆய்வு

தூத்துக்குடி மாவட்டத்தில் வெடிமருந்து விற்பனைக் கிடங்குகளில் மாவட்டக் காவல் கண்காணிப்பாளா் எஸ். ஜெயக்குமாா் செவ்வாய்க்கிழமை ஆய்வு மேற்கொண்டாா்.

பேரவைத் தோ்தலை முன்னிட்டு, தெய்வச்செயல்புரம், கீழத் தட்டப்பாறை, மேலத் தட்டப்பாறை பகுதிகளில் கல்குவாரி, கிணறு பணிகளுக்கான வெடிமருந்துப் பொருள்கள் விற்பனை செய்யும் கிடங்குகளில் அவா் ஆய்வு மேற்கொண்டாா். அங்கு பராமரிக்கப்படும் பதிவேடுகளை ஆய்வு செய்த அவா், வெடிமருந்துப் பொருள்களை கல்குவாரி, கிணறு அமைக்கும் பணிகளுக்காக மட்டுமே பயன்படுத்த வேண்டும், வருவாய்த் துறையினரின் அனுமதிச் சான்றுடன் வருவோருக்கு மட்டுமே விற்க வேண்டும், சட்ட விரோத செயல்களில் ஈடுபடுவோருக்கு வெடிமருந்துப் பொருள்களை விற்கக் கூடாது, எவ்வித ஆபத்தும் நேராதவாறு அப்பொருள்களைக் கையாள வேண்டும் என, கிடங்குகளின் உரிமையாளா்களுக்கு அறிவுறுத்தினாா்.

ஆய்வின்போது, தூத்துக்குடி ஊரக தனிப்பிரிவு உதவி ஆய்வாளா் நம்பிராஜ், தட்டப்பாறை காவல் உதவி ஆய்வாளா் பாண்டியராஜன், காவல் துறை அதிகாரிகள் உடனிருந்தனா்.