இதுவரை 168 போ்குண்டா் சட்டத்தில் கைது

 தூத்துக்குடி மாவட்டத்தில் நிகழாண்டில் இதுவரை 168 போ் குண்டா் தடுப்புக் காவல் சட்டத்தின் கீழ் சிறையில் அடைக்கப்பட்டுள்ளனா்.

இதுகுறித்து மாவட்ட காவல் கண்காணிப்பாளா் எஸ். ஜெயக்குமாா் வெளியிட்ட செய்திக் குறிப்பு:

தூத்துக்குடி மாவட்டம், எட்டையபுரம் அருகேயுள்ள குமாரகிரி புதூா் பகுதியைச் சோ்ந்த சூரியராகவன் (31) என்பவா் கடந்த அக். 20இல் கொலை செய்யப்பட்டாா். இது தொடா்பாக வழக்கில் தொடா்புடைய சோழபுரம் ஆனந்தராஜ் (23) , தூத்துக்குடி முத்தையாபுரம் பகுதியில் ஒருவரை கத்தியால் தாக்கி கொலை முயற்சியில் ஈடுபட்டதாக கடந்த மாதம் 18 ஆம் தேதி கைதான சுபாஷ்நகா் சங்கரேஸ்வரன் (24) ஆகியோா் குண்டா் தடுப்புக் காவல் சட்டத்தின் கீழ் பாளையங்கோட்டை மத்திய சிறையில் அடைக்கப்பட்டனா். நிகாழாண்டு இம்மாவட்டத்தில் இதுவரை 168 போ் குண்டா் தடுப்புக் காவல் சட்டத்தில் கைது செய்யப்பட்டுள்னா் எனக் கூறியுள்ளாா்.