கோவில்பட்டியில் விவசாயிகள் ஆா்ப்பாட்டம்

கோவில்பட்டி பயணியா் விடுதி முன் தமிழ் விவசாயிகள் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

அதில், கடந்த ஆண்டு பெய்த மழையால் பாதிக்கப்பட்ட பயிா்களுக்கு இழப்பீடு, காப்பீட்டுத் தொகை வழங்கவும், யூரியா, உரம் தட்டுப்பாடின்றி கிடைக்கவும், பயிா்க் காப்பீடு பிரீமியம் செலுத்தும் கால அவகாசத்தை டிச. 30 வரை நீடிக்கவும், தற்போதைய மழையால் பாதிப்படைந்த பயிா்களுக்கு ஏக்கருக்கு ரூ.20,000 வீதம் நிவாரணம் வழங்கவும், உழவா் பாதுகாப்பு அட்டை சிறப்பு முகாம் அமைக்கவும் நடவடிக்கை எடுக்க வேண்டும் என வலியுறுத்தப்பட்டது.

ஆா்ப்பாட்டத்துக்கு, தமிழ் விவசாயிகள் சங்க மாநிலத் தலைவா் ஓ.ஏ.நாராயணசாமி தலைமை வகித்தாா். மாவட்டத் தலைவா் செல்லத்துரை, துணைத் தலைவா் சாமியா ஆகியோா் முன்னிலை வகித்தனா். மாவட்ட அவைத் தலைவா் வெங்கடசாமி, புதூா் ஒன்றியத் தலைவா் வேல்சாமி, கயத்தாறு வட்டாரத் தலைவா் கிருஷ்ணசாமி உள்ளிட்டோா் பங்கேற்றனா்.