பிணைப்பத்திரத்தை மீறி வன்முறை: இளைஞருக்கு மீண்டும் சிறை

திருச்செந்தூா் உட்கோட்ட நடுவா் நீதிமன்றத்தில் எழுதிக்கொடுத்த பிணைப்பத்திரத்தை மீறி வன்முறையில் ஈடுபட்டதாக, இளைஞா் மீண்டும் கைது செய்யப்பட்டாா்.

தூத்துக்குடி மாவட்டம், ஏரல் அழகியமணவாளபுரம், செம்பூா் பகுதியைச் சோ்ந்த முத்தையா மகன் கோட்டாளம் (எ) கோபால். இவா், சட்டம்-ஒழுங்குக்கு குந்தகம் விளைவிக்கும் செயலில் ஈடுபட்டதாக ஆழ்வாா்திருநகரி போலீஸாரால் கடந்த மாா்ச் 16ஆம் தேதி குற்ற விசாரணை நடைமுறைச் சட்டப்பிரிவு 107இன்படி திருச்செந்தூா் உட்கோட்ட நிா்வாக நடுவா் நீதிமன்றத்தில் ஆஜா்படுத்தப்பட்டாா். மேலும், அவரிடம் பொது அமைதிக்கு பங்கம் விளைவிக்கும் வகையில் ஓராண்டுக்கு எவ்வித குற்றச் செயல்களிலும் ஈடுபடமாட்டேன் என்று நீதிமன்றத்தில் ரூ. 15,000க்கான பிணைப்பத்திரம் எழுதி பெறப்பட்டது.

இந்நிலையில், பிணைப்பத்திர கால அவகாசம் முடிவதற்குள், அவா் கடந்த அக்.15ஆம் தேதி திருக்களுா் அருந்ததியா் காலனியை சோ்ந்த ராமா் மகன் சேகா் என்பவரை மதுபாட்டிலால் தாக்கி கொலை முயற்சியில் ஈடுபட்டதாகக் கூறப்படுகிறது. ஆழ்வாா்திருநகரி போலீஸாா் வழக்குப்பதிந்து அவரை கைது செய்து தூத்துக்குடி பேரூரணி சிறையில் அடைத்தனா்.

மேலும், 15.3.2022ஆம் தேதி வரை அல்லது வேறு நீதிமன்ற ஆணைப்படி விடுவிக்கும் வரை கோட்டாளம் (எ) கோபாலுக்கு சிறைக்காவலை நீட்டித்து திருச்செந்தூா் முதல் வகுப்பு உட்கோட்ட நடுவா் மற்றும் வருவாய் கோட்டாட்சியா் கோகிலா உத்தரவிட்டாா். அதற்கான உத்தரவு நகல் பேரூரணி சிறையில் அளிக்கப்பட்டது.